Pagka-Friday kay padung mig Boljoon ug kalit nga giingnan mi nga muhapit sa Argao kay naay nadakpak nga mga illegal nga mananagat... ug tuod man... naabtan namo ang taas nga linya sa mga tawo nga gahuwat nga matagaan sa isda. Bisan sa kainit (galabad na gud akong ulo) kay bilib jud ko sa mga tawo labi na sa mga tiguwang nga nagpungko sa atubanga... minghuwat gyud sila nga muabot si gov aron nga makita kini human maapod-apod kanila!
Good job sa Argao Bantay Dagat Team! 9pm sa gabii ni nila nadakpan... ang panagatan nga dunay tatak nga Ara gipanag-iya sa mayor nga taga-Siaton sa probinsiya sa Negros. Matod pa sa kapitan sa panagatan... nag-sonar kuno sila niya nakit-an nila ang bagang duot sa mga isda nga duol ra gyud kaayo sa lapyahan mao nga naaghat sila sa pagtaktak sa ilang pukot! Maayo na lang kay abtik kaayo ang mga taga-Bantay Dagat!
No comments:
Post a Comment